सुकन्या समृद्धी योजना अटी, शर्ती आणि पात्रता काय आहेत

सुकन्या समृद्धी योजना ही केंद्र सरकारची मुलींसाठी असलेली एक बचत योजना आहे. ज्यामध्ये मुलीचे आई-वडील मुलीच्या नावाने या योजनेअंतर्गत बँक खाते उघडून त्यामध्ये थोडी थोडी रक्कम टाकत असतात. शासनाच्या चांगल्या व्याजदराने आणि धोरणाने या योजनेअंतर्गत मिळणारा परतावा हा मोठा असतो. त्यामुळे मुलींचे भविष्य सुरक्षित होते. मुलींच्या भविष्यातील लग्न शिक्षण अशा मोठ्या खर्चाच्या जबाबदारी साठी मोठा निधी तयार होतो. 

सुकन्या समृद्धी योजना कोणासाठी आहे? 

सुकन्या समृद्धी योजना ही फक्त मुलींसाठी असते. या योजनेत सहभागी होण्यासाठी वयाची अट मुलगी दहा वर्षाची होईपर्यंत ही आहे.

सुकन्या समृद्धी योजना खाते कोठे उघडता येते? 

सुकन्या समृद्धी योजना ही केंद्र सरकारची योजना आहे. तुम्ही तुमच्या जवळच्या पोस्ट ऑफिस मध्ये जाऊन सुकन्या समृद्धी योजना चे खाते उघडू शकतात. काही राष्ट्रीयीकृत बँकांमध्ये ही सुकन्या समृद्धी योजना राबवली जाते.

सुकन्या समृद्धी योजना या योजनेमध्ये किती रुपये गुंतवले जातात ? 

सुकन्या समृद्धी योजना चे खाते 250 रुपये एवढे डिपॉझिट करून उघडता येते. सुकन्या समृद्धी योजना तुम्ही वर्षाला कमीत २५०/- रुपये आणि जास्तीत जास्त १.५ लाख रुपये गुंतवू शकता.

सुकन्या समृद्धी योजना पैसे कधी मिळतात.

सुकन्या समृद्धी योजना मुलगी 21 वर्षाची झाल्यानंतर मॅच्युरिटी होते. सुकन्या समृद्धी योजना 21 वर्षांनंतर मुलीला सर्व व्याजासहित रक्कम मिळते. या योजनेवर सरकार कर आकारत नाही त्यामुळे मिळणारी रक्कम ही मोठी असते. मुलगी 18 वर्षाची झाल्यानंतर जमा केलेल्या रकमेच्या 50 टक्के रक्कम काढता येते.