पंतप्रधान नरेंद्र मोदी यांच्या अध्यक्षतेखाली बुधवारी झालेल्या केंद्रीय मंत्रिमंडळाच्या बैठकीत महत्त्वाचे निर्णय घेण्यात आले. केंद्रीय मंत्रिमंडळाने बुधवारी 1 जुलै 2022 पासून केंद्र सरकारच्या कर्मचार्‍यांच्या महागाई भत्त्यात (DA) 4 टक्के वाढ आणि पेन्शनधारकांना महागाई सवलत मंजूर केली. देशात सुमारे 50 लाख केंद्रीय कर्मचारी आणि 61 लाखांहून अधिक पेन्शनधारक आहेत. याशिवाय केंद्रीय मंत्रिमंडळाच्या बैठकीत इतरही अनेक निर्णय घेण्यात आले. जाणून घ्या केंद्रीय मंत्रिमंडळाने कोणते निर्णय घेतले.
महागाई भत्त्यात चार टक्के वाढ
केंद्रीय मंत्रिमंडळाने केंद्र सरकारचे कर्मचारी आणि पेन्शनधारकांसाठी महागाई भत्ता (DA) चार टक्क्यांनी वाढवण्याचा निर्णय घेतला आहे. केंद्रीय माहिती आणि प्रसारण मंत्री अनुराग ठाकूर यांनी पत्रकार परिषदेत ही माहिती दिली. सरकारच्या या निर्णयामुळे, केंद्र सरकारी कर्मचारी आणि निवृत्तीवेतनधारकांना 1 जुलै 2022 पासून अनुक्रमे वर्धित महागाई भत्ता (DA) आणि महागाई सवलत (DR) मिळतील.